"თამბაქოს ნაწარმზე გადასახადის ზრდის გზით ავადობისა და სიკვდილობის შემცირება" - ამ სლოგანით საქართველოში ხვალ თამბაქოსთან ბრძოლის საერთაშორისო დღე აღინიშნება. მსოფლიო ამ დღეს 1987 წლის 31 მაისს აღნიშნავს და კამპანიას საქართველო ყოველწლიურად უერთდება. თარიღთან დაკავშირებით, დაავადებათა კონტროლისა და საზოგადოებრივი ჯანმრთელობის ეროვნულ ცენტრში შეხვედრა გაიმართა, რომელსაც სხვადასხვა უწყების წარმომადგენლებიც ესწრებოდნენ. ცენტრის განცხადებით, მსოფლიო ორგანიზაციის მონაცემებზე დაყრდნობით, თამბაქოსაგან გამოწვეული დაავადებებით ყოველწლიურად 9000-დან 11000-მდე ადამიანი იღუპება, მათ შორის, 3000-მდე პასიური მოწევის მსხვერპლია.