კვირას, კუს ტბის მიმდებარე ტერიტორიაზე 29 ივნისს 12 საათზე დაგეგმილია აქცია სახელწოდებით საქართველოს მარათონი სიცოცხლის გადასარჩენად, რომელიც მიზნად ქალთა რეპროდუქციული ჯანმრთელობის ხელშეწყობას ისახავს. შეგიძლიათ თქვენც შეიტანოთ თქვენი წვლილი მარათონში და მიიღოთ მონაწილეობა. მარათონს ორგანიზებას უწევს "ჰერა". მარიკა დავითულიანი: "მონაწილეობა თავისუფალია, ყველას შეუძლია სურვილის მიხედვით. რბოლის შემდეგ იქნება ოფიციალური გამოსვლები, მოეწყობა საქველმოქმედო კონცერტი ცნობილი ქართველი მომღერლების მონაწილეობით. აქციის მთავარი მიზანია მოსახლეობაში ცნობიერების ამაღლება. ძუძუს კიბოს პრევენციის შესახებ. 9 წლის გამოცდილებამ გვაჩვენა, რომ აქცია ძალიან პოპულარულია ჩვენს ქვეყანაში. მინდა მადლობა გადავუხადო ჯანდაცვის სამინისტროს, დაავადებათა კონტროლის ცენტრს, იუესეიდს, ეროვნულ სკრინინგ ცენტრს, მეორე წელია აქტიურ მხარდაჭერას გვიწევს სადაზღვევო კომპანია არდი ჯგუფი, რომელიც არის მარათონის ოფიციალური მზღვეველი". ლელა სტურუა: "მთელს მსოფლიოში კიბოს აქვს მზარდი ტენდენცია, 2014 წელს მომზადდებიან ონკოლოგები, რომლებიც მონაწილეობას მიიღებენ კიბოს რეგისტრის ფორმის შევსებასა და მის ანალიზში".