სომეხთა სამოციქულო მართლმადიდებელი წმინდა ეკლესიის საქართველოს ეპარქიის ინფორმაციით, დაახლოებით 50 ადამიანი სომხური ეკლესიის სასულიერო პირებსა და ეპარქიის თანამშრომლებს ფიზიკურად გაუსწორდა. ფაქტი გუშინ მოხდა, თავდასხმის კადრები კი სასულიერო პირებმა დღეს გაავრცელეს. როგორც ეპარქიის წარმომადგენლები ამბობენ, 19 ივლისს ქალაქ თბილისში მდებარე ეკლესიაზე მოხდა დაგეგმილი თავდასხმა, მოტივირებული ეთნიკური და რელიგიური სიძულვილის ნიშნით. ეპარქია ინციდენტის გამოძიებას მოითხოვს და შესაბამისი რეაგირებისკენ საქართველოს მთავრობასაც მოუწოდებს. შინაგან საქმეთა სამინიტრომ გამოძიება უკვე დაიწყო.