უმრავლესობა სააკაშვილისთვის ბრალის წაყენებას სამართლიანად მიიჩნევს, ოპოზიცია პუტინის დაკვეთად

საქართველოს მთავარმა პროკურატურამ ბრალდებულის სახით სისხლის სამართლის პასუხისგებაში მისცა საქართველოს ექსპრეზიდენტი მიხეილ სააკაშვილი. ბრალდება ეხება 2007 წლის 7 ნოემბრის დარბევას,'იმედში' შეჭრასა და არკადი პატარკაციშვილის ქონების დანაშაულებრივი გზით ხელში ჩაგდებას. ბრალდების შესახებ დადგენილებები გამოტანილია ასევე გიგი უგულავას, ვანო მერაბიშვილის და დავით კეზერაშვილის მიმართ. ექსპრეზიდენტი მთავარ პროკურატურაში მოწმის სტატუსით დაკითხვაზე დღეს, 11:00 საათზე იყო დაბარებული, თუმცა რა საქმეზე, უცნობია. მიხეილ სააკაშვილი, რომელიც საქართველოში არ იმყოფება, დაკითხვაზე არ გამოცხადდა. მან Facebook-ის საკუთარ გვერდზე განცხადება გაავრცელა და აღნიშნა, რომ 'ამ ფარსში მონაწილეობას არ აპირებს'.

☛ ნახეთ ყველა ვიდეო - www.myvideo.ge/GDN

© Georgian Daily News - მედია ვიდეო პორტალი