„კაზანტიპის რესპუბლიკის“ პრეზიდენტი ნიკიტა მარშუნოკმა დღეს ანაკლიაში საგანგებო ბრიფინგი გამართა, ეკონომიკის მინისტრს გიორგი კვირიკაშვილს მიმართა და შეასრულოს ნაკისრი ვალდებულებები.

მარშუნოკი ეკონომიკის მინისტრის მიერ ბოლო დროს გაკეთებულ განცხადებებს გაურკვეველს და უცნაურს უწოდებს. კაზანტიპის პრეზიდენტის განცხადებით, შეთანხმების მიუხედავად სახელმწიფომ ვერ უზრუნველყო მძლავრი ელექტრო მომარაგების მიწოდება, რისი გაკეთებაც თავად მოუწია და დამატებით 100 ათასი დოლარი დახარჯა.

„რესპუბლიკა ზეტის“ მეთაური 14 აგვისტოს სასულიერო პირებისა და მრევლის მიერ ანაკლიაში კაზანტიპის წინააღმდეგ დაგეგმილ აქციასაც ეხმაურება და აცხადებს, რომ ნორმალურ ქვეყანაში ის ამგვარი ქცევებისთვის სასამართლოში იჩივლებდა და პროცესსაც მოიგებდა.

მარშუნოკი კაზანტიპის საწინააღმდეგოდ განწყობილებს ურჩევს კაზინოების და ბორდლების პრობლემით დაინტერესდნენ, თვითონ კი არატრადიციულს და უკანონოს არაფერს გეგმავს.

„ეკლესიას შეუძლია გააპატიოსნოს ბორდელები ან დახუროს ყველა კაზინოები? არსებობს უფრო მნიშვნელოვანი პრობლემები ვიდრე არის ბრძოლა პროექტთან, რომელიც მოვიდა, იმისთვის რომ გასიამოვნოთ, გაიღიმოთ და გაჩვენოთ ის დღესასწაული რომელიც თქვენს ქვეყანას ჯერ არ უნახავს“ - აცხადებს მარშუნოკი.

☛ ნახეთ ყველა ვიდეო - www.myvideo.ge/GDN

© Georgian Daily News - მედია ვიდეო პორტალი