"მაუწყებლობის შესახებ" კანონში მომზადებული ცვლილებები საქართველოს კომუნიკაციების ეროვნული კომისიის თავმჯდომარემ ვახტანგ აბაშიძემ პარლამენტის ორი კომიტეტის გაერთიანებულ სხდომაზე წარადგინა. აბაშიძის განმარტებით, სადღეისოდ, თითოეულ მაუწყებელში სარეკლამო ბაზრის მოცულობა არის მაუწყებლობის 20%-ის ოდენობით, რაც თავის მხრივ, საათობრივი ზღვარით შემოფარგლული არ არის. აბაშიძის განმარტებით, ასეთ პირობებში არის შემთხვევები, როდესაც ე.წ. პრაიმ-ტაიმში - საღამოს საათებში სარეკლამო და მასთან ერთად სპონსორობის ბლოკი 32 წუთს შეადგენს.