► ოფიციალურად: ტორესი “ატლეტიკოში” გადავიდა

პრესაში ვრცელდებოდა ინფორმაცია იმის თაობაზე, რომ ლონდონის “ჩელსის” ესპანელი ფორვარდი ფერნანდო ტორესი მადრიდის “ატლეტიკოში” დაბრუნდებოდა.

როგორც ჩანს, ეს მართალი აღმოჩნდა და კლუბის ოფიციალურმა საიტმა დაადასტურა, რომ ტორესი ზამთარში “ატლეტიკოში” გააგრძელებს კარიერას.

მადრიდულმა გუნდმა ის იჯარის წესით აიყვანა, რომლის მიხედვითაც ტორესი “ატლეტიკოში” ორი წლის განმავლობაში ითამაშებს. შეგახსენებთ, რომ ის ამ გუნდში ექვსი წელი თამაშობდა.