ქობულეთში საპატრულო პოლიციის თანამშრომელი სამსახურეობრივი ავტომობილით მგზავრთა მოსაცდელს შეეჯახა. შეჯახების შედეგად ნაგებობის ერთი კედელი მთლიანად ჩამოინგრა. ინფორმაციას ამის შესახებ „ტელეარხი 25“ ავრცელებს.

შემთხვევა ე.წ. კარიერის დასახლებაში მოხდა. როგორც თვითმხილველები იხსენებენ, ღამის საათებში პატრულის თანამშრომელი ერთ-ერთ მოქალაქეს სისწრაფეში ეჯიბრებოდა, რომლის დროსაც იგი იქვე მდებარე მოსაცდელს შეეჯახა.

მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს და ისჯება თავისუფლების აღკვეთით ვადით ექვსიდან ცხრა წლამდე.