საქართველოს კომუნიკაციების ეროვნული კომისია, 2013 წლის 26 აგვისტოს რადიო მაუწყებლობის ლიცენზიის გასაცემად გამართულ კონკუსთან დაკავშირებით, ორი ერთმანეთისგან დამოუკიდებელი სასამართლო გარჩევის პროცესში იმყოფება. შპს „ენერჯი გრუპი“ კომისიის იმ გადაწყვეტილებას ასაჩივრებს, რომლითაც კომისიამ რადიო მაუწყებლობის კონკურსში შპს „ენერჯი გრუპის“ გამარჯვებულად გამოვლენის თაობაზე გადაწყვეტილება ძალადაკარგულად გამოაცხადა. ეს გადაწყვეტილება ძალადაკარგულად იმიტომ გამოცხადდა, რომ შპს „ენერჯი გრუპის“ დამფუძნებლები ადმინისტრაციული ორგანოს, საქართველოს სავაჭრო სამრეწველო პალატის თანამდებობის პირები აღმოჩნდნე, „მაუწყებლობის შესახებ“ საქართველოს კანონის თანახმად კი დაუშვებელია სამაუწყებლი ლიცენზიის მფლობელი იყოს ადმინისტრაციული ორგანოს თანამდებობის პირი. რადიო „ჰერეთი“ კი სადაოდ 2013 წლის 26 აგვისტოს გადაწყვეტილებას ხდის, აღნიშნულ კონრურსში რადიო „ჰერეთიც“ მონაწილეობდა, თუმცა გამარჯვებულად შპს „ენერჯი გრუპი“ გამოცხადდა. კომისია ზემოთ აღნიშნული სასამართლო გარჩევების დსრულებამდე თავს იკავებს კომენტარებისგან.