13 აპრილს, "საზოგადოებრივი მაუწყებლის" ეთერში შედგა სატელევიზიო პრემიერა მხატვრულ-დოკუმენტური ფილმისა - "ვინ მოკლა ილია". ფილმში ილია ჭავჭავაძის როლს კოტე თოლორდავა ასრულებს. ეს მსახიობისთვის ერთ-ერთი ბოლო კინოროლია და ერთ-ერთი გამორჩეულიც, იგი ყველა ინტერვიუში აღნიშნავდა, რომ მისთვის დიდი ბედნიერებაა, რომ წმინდანისა და სამაგალითო საზოგადო მოღვაწის თამაშის პატივი ხვდა წილად... ფილმში თოლორდავას პარტნიორობას ნანუკა ხუსკივაძე უწევს, რომელიც ოლღა გურამიშვილის როლს ასრულებს. 1-საათიან მხატვრულ-დოკუმენტურ ფილმში ასევე მონაწილეობენ გოგი ქავთარაძე, გივი ბერიკაშვილი, პაატა მხეიძე, ირაკლი ჩოლოყაშვილი, ზაზა იაქაშვილი. ფილმის რეჟისორი და სცენარის ავტორი მიხეილ ბერინაშვილი, მუსიკალური გაფორმება კი ნიაზ დიასამიძეს ეკუთვნის. "ვინ მოკლა ილია" შინაგან საქმეთა სამინისტროს არქივის მიერ არის გადაღებული და დოკუმენტურად ასახავს ილია ჭავჭავაძის მკვლელობასა და მის მიერ საგურამომდე განვლილ უკანასკნელ გზას... გადაღება შსს-ს არქივში დაცული სისხლის სამართლის საქმის და სხვადასხვა მნიშვნელოვანი დოკუმენტების მიხედვით, იმროინდელი შს მინისტრის ირაკლი ღარიბაშვილის გადაწყვეტილებით 2013 წელს დაიწყო.


¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯

■ გამოგვიგზავნეთ ვიდეო ელ-ფოსტაზე ან facebook-ის გვერდზე

➡ ჩვენიაპლიკაცია (iOS) - http://goo.gl/fX56iy

➡ www.GDNews.ge
➡ www.myvideo.ge/GDN
➡ E-mail: [email protected]
➡ www.myvideo.ge/GDNexclusive

tags: #GDN #GDNEWS #GeorgianDailyNews #ტელევიზია

© Georgian Daily News 2008-2014 ● ჯი-დი-ენ - მედია ვიდეო პორტალი | GDNEWS ᴴᴰ