ალბათ, იცით, რა არის Siri - თუ არ იცით, გეტყვით, რომ ეს არის აპლიკაცია, რომელიც Apple-ის მოწყობილობებში არის ჩამონტაჟებული და იგი თქვენ მიერ დასმულ კითხვებს პასუხობს. "სირის" რუსმა მომხმარებელმა, ალექსმა, რომელიც ლონდონში იმყოფება, აღმოაჩინა, რომ აპლიკაციის რუსული ვერსია "ჰომოფობია". მან ამის ამსახველი ვიდეო YouTube-ზე განათავსა.
"Siri, მითხარი გეი კლუბები ჩემ ირგვლივ", - სვამს კითხვას ალექსი. "გავწითლდებოდი, რომ შემეძლოს", - პასუხობს Siri. ალექსი მეორე კითხვას სვამს: "როგორ დავარეგისტრირო გეი ქორწინება ინგლისში?", - რაზეც აპლიკაცია ასე პასუხობს: "თავს მოვიკატუნებ, ვითომ არ გამიგია". "სირი, გეი ქორწინებაზე მითხარი რამე", - არ ნებდება ალექსი. "ალექს, როგორი უხეში ბრძანდებით", - პასუხობს აპლიკაცია. აღსანიშნავია, რომ სხვა ქვეყნის მოქალაქეები, კერძოდ, ბრიტანეთში მცხოვრებნი, ამბობენ, რომ მსგავს კითხვებზე (სად არის სანკტ-პეტერბურგში გეი ბარი) "სირი" ადეკვატურად პასუხობს და მისამართებსაც იძლევა. მხოლოდ რუსულად დასმულ მსგავს კითხვებზე პროგრამა "თავს იკატუნებს" და ვერ იგებს, რა უნდა მომხმარებელს.

¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯

■ გამოგვიგზავნეთ ვიდეო ელ-ფოსტაზე ან facebook-ის გვერდზე

➡ ჩვენიაპლიკაცია (iOS) - http://goo.gl/fX56iy

➡ www.GDNews.ge
➡ www.myvideo.ge/GDN
➡ E-mail: [email protected]
➡ www.myvideo.ge/GDNexclusive

tags: #GDN #GDNEWS #GeorgianDailyNews

© Georgian Daily News 2008-2014 ● ჯი-დი-ენ - მედია ვიდეო პორტალი | GDNEWS ᴴᴰ