tags: #GDNEWS #პაკისტანი #სიცხე #მსხვერპლი • პაკისტანში აუტანელ სიცხეებს უკვე 1 000-მდე ადამიანის სიცოცხლე ემსხვერპლა. CNN-ის ინფორმაციით, გარდაცვლილებს შორის ახალგაზრდები და მოხუცები არიან. მათი ცხედრები პროზექტურაშია გადასვენებული. საავადმყოფოები წყლითა და დამატებითი საწოლებით მარაგდება. მობილიზებულია მედიკოსთა დამატებითი ჯგუფები და მოხალისეები. ოფიციალური მონაცემებით, მაღალ ტემპერატურას სინდის პროვინციაში უკვე 1000-მდე ადამიანი ემსხვერპლა, თუმცა გარდაცვლილთა რაოდენობა შესაძლოა, კიდევ უფრო გაიზარდოს. მედიკოსების განცხადებით, მსხვერპლის რაოდენობა ყოველდღიურად მატულობს. მოქალაქეების გადასარჩენად ექიმები და მოხალისეები ყველაფერს აკეთებენ, თუმცა ბევრი მათგანის გადარჩენა ვერ ხერხდება. მთავრობა მოსახლეობას მოუწოდებს, დიდი ოდენობით წყალი მიიღონ და საკუთარი ოჯახის წევრები სველი პირსახოცებით დაიცვან. აუტანელი სიცხეები პაკისტანში გასულ პარასკევს დაიწყო. შაბათს ტემპერატურამ 44.8 გრადუსს მიაღწია. მსგავსი ტემპერატურა პაკისტანში ბოლო 15 წლის განმავლობაში არ დაფიქსირებულა. უცხოური მედიის ინფორმაციით, კვირას ტემპერატურამ 42.5 გრადუსამდე დაიწია. პაკისტანში ტემპერატურის კლება მომავალ კვირას არის მოსალოდნელი.

➡ www.GDNews.ge
➡ www.myvideo.ge/GDN
➡ E-mail: [email protected]
➡ www.myvideo.ge/GDNexclusive
➡ ჩვენიაპლიკაცია (iOS) - http://goo.gl/fX56iy
➡ მოგვაწოდეთ ვიდეო და გახადეთ პოპულარული

© Georgian Daily News 2008-2015 ● ჯი-დი-ენ - მედია ვიდეო პორტალი | GDNEWS ᴴᴰ