გუშინ შევარდენის სანაკრებო ბაზამ ქართულ-ფრანგულ სამოყვარულო მატჩს უმასპინძლა. ერთმანეთს პირველი და უძველესი ქართული სამოყვარულო რაგბის კლუბი ‘დევები’ და პარიზელი ადვოკატების სამოყვარულო კლუბი ‘პალე’ ეთამაშნენ.

თამაში საკმაოდ ლაღი და კარგი საცქერი გამოდგა. პირველი ტაიმი სტუმრებმა 10:7 მოიგეს. მეორე ნახევარში ანგარიში 23-მდე გაზარდეს, მაგრამ არც დევები იყვნენ გულხელდაკრეფილნი, სტუმრების ლელოებს ლელოებითვე უპასუხეს და საბოლოოდ, სამი ქულის სხვაობით - 26:23 გაიმარჯვეს.