8 ივნისს, გიორგი აბურჯანიას გუნდმა "ხიმნასტიკმა" ესპანეთის სეგუნდა დივიზიონის პლეი ოფში, რომელშიც ოთხი გუნდი ლა ლიგის ერთი საგზურისთვის იბრძვის, პირველი მატჩი სტუმრად "ოსასუნასთან" ჩაატარა და ანგარიშით 1:3 დამარცხდა.

პამპლონაში ჩატარებულ შეხვედრაში არ უთამაშია აბურჯანიას, რომელიც საქართველოს ეროვნული ნაკრებს ევროპულ შეკრებაზე ახლდა.

რაც შეეხება მატჩს, "ოსასუნამ" ანგარიშში სამბურთიანი უპირატესობით დაწინაურება მიკელ მერინოს დუბლითა (33-ე და 41-ე წუთები) და კენან კოდროს (58) გოლით შეძლო. "ხიმნასტიკიდან" ერთი ბურთი ჟან ასუბრემ 68-ე წუთზე გაქვითა.

ტარაგონელები საპასუხო შეხვედრას 11 ივნისს, საკუთარ მოედანზე ჩაატარებენ და ორბურთიანი ჩამორჩენის აღმოფხვრას შეეცდებიან, რათა ლა ლიგის საგზურისთვის ბრძოლა პლეი ოფის ფინალში გააგრძელონ. ცნობისთვის, მეორე ნახევარფინალში "კორდობა" და "ჟირონა" იბრძვიან.