გრიგოლეთში, სამკურნალო, მაგნიტურ პლაჟზე ადგილობრივმა ხელისუფლებამ ქვები და ქვიშა დაყარა. მოსახლეობა უკმაყოფილოა, რადგან, მათი თქმით, ეს ცუდად მოქმედებს დამსვენებელზე. დამსვენებლები კი ტაბულასთან ამბობენ, რომ ქვების გამო პლაჟი არაკომფორტული გახდა.
ლანჩხუთის გამგეობაში განმარტავენ, რომ ქვების დაყრის მიზეზი ნაპირსამაგრი სამუშაოებია. ნუგზარ ცინცაძის თქმით, დროთა განმავლობაში სამკურნალო ქვიშა აღდგება.
გრიგოლეთის პლაჟი მაგნეტიტური ქვიშისგან - მაგნეტიტის, ტიტან-მაგნეტიტის და ილმენიტის წვრილი მარცვლებისა და სხვა ქანების ნამსხვრევებისგან შედგება. შემცველობა დასაშვები ნორმის ფარგლებშია და სამედიცინო დასკვნების შესაბამისად, მაღალი სამკურნალო თვისებებით გამოირჩევა.