ბასტიან შვაინშტაიგერმა სანაკრებო კარიერა გუშინ საღამოს, ფინეთთან გამართულ ამხანაგურ მატჩში დაასრულა; ნაკრების მაისურით ბოლოჯერ ითამაშა და გუნდს ბოლოჯერ უკაპიტნა.
32 წლის შვაინშტაიგერს სანაკრებო დებიუტი 2004 წელს ჰქონდა. 12 წლის განმავლობაში გერმანელმა ნახევარმცველმა ნაკრებში 121 მატჩი ჩაატარა და 24 გოლი გაიტანა. 2014 წელს, შვაინშტაიგერი გერმანიის ნაკრების შემადგენლობაში მსოფლიო ჩემპიონი გახდა. ბასტი გერმანელი გულშემატკივრის ნამდვილი კუმირი იყო.
გუშინდელი საღამო კი, საკმაოდ ემოციური გამოვიდა. მატჩის დაწყებამდე, ბასტიანმა ცრემლები ვერ შეიკავა. შემდეგ კი, ბორუსია-პარკზე თავშეყრილ გულშემატკივრებს მიმართა.