გიორგი ვაშაძის პარტია ახალი საქართველო პაატა ბურჭულაძის ბლოკში რჩება. პაატა ბურჭულაძემ დღეს კიდევ ერთხელ დაადასტურა, რომ გირჩი გაერთიანებიდან მას შემდეგ გაუშვა, რაც დარწმუნდა, რომ მათ ბიძინა ივანიშვილი აფინანსებდა.თავად ახალი პოლიტიკური ცენტრის წევრები ამბობენ, რომ ისინი ბლოკს თვითონ გამოეყვნენ, რადგან პაატა ბურჭულაძემ მათ გირჩის წევრების საარჩევნო სიაში ყოფნის სანაცვლოდ საკმაოდ დიდი თანხა მოთხოვა. საარჩევნო ბლოკმა "სახელმწიფო ხალხისთვის" ცენტრალურ საარჩევნო კომისიას საარჩევნო სიიდან გირჩის ხუთი წევრის ამორიცხვის მოთხოვნით უკვე მიმართა. პაატა ბურჭულაძე პარტიული სიიდან ზურაბ ჯაფარიძის, ვახტანგ მეგრელიშვილის, იაგო ხვიჩიას, გიორგი მელაძის და ნინო დარსაველიძის ამორიცხვას ითხოვს. გირჩი 2016 წლის საპარლამენტო არჩევნებში მონაწილეობას ვეღარ მიიღებს