არასამთავრობო ორგანიზაციამ „სამართლიანი არჩევნებისა და დემოკრატიის საერთაშორისო საზოგადოება“ 8 ოქტომბრის საპარლამენტო არჩევნების მონიტორინგის მეოთხე შუალედური ანგარიში წარადგინა.
ანგარიშში განხილულია ორგანიზაციის მიერ გამოვლენილი 643 საარჩევნო დარღვევა, რომელთა ნაწილიც შედარებით მძიმეა, მათ შორისაა სოფელ დიდ ნეძში მომხდარი ქართული ოცნების მხარდამჭერთა ცემის ფაქტი, ვაკეში ერთიანი ნაციონალური მოძრაობის ოფისის დარბევა, სოფელ ფლავისმანში ქართული ოცნების მხარდამჭერებისა და საჯარო მოხელეების მიერ ენაციონალური მოძრაობისთვისთვის საარჩევნო აგიტაციაში ხელისშეშლა და სხვა. ანგარიშში მოხვდა რეგიონებში პოლიტიკური ნიშნით ზეწოლის ფაქტები, ასევე არაუფლებამოსილი პირების მიერ საარჩევნო კამპანიებში მონაწილეობის შემთხვევები. ორგანიზაციის ანგარიშის მიხედვით, წინასაარჩევნოდ რეგიონებში მმართველი პარტიის ღონისძიებებში საჯარო მოხელეთა მონაწილეობა სისტემურ ხასიათს ატარებდა.