ცენტრალური საარჩევნო კომისია არჩევნების ჩასატარებლად მზადაა. ამის შესახებ თამარ ჟვანიამ შემაჯამებელ ბრიფინგზე განაცხადა. ხვალინდელ საპარლამენტო არჩევნებს 111 ადგილობრივი და 55 საერთაშორისო სადამკვირვებლო ორგანიზაცია დააკვირდება. მოსახლეობამ არჩევანი 25 საარჩევნო სუბიექტს შორის უნდა გააკეთოს. თამარ ჟვანიამ ამომრჩეველს აქტიურობისკენ, პოლიტიკური პარტიებს კი კანონის დაცვისკენ მოუწოდა. საპარლამენტო არჩევნებთან ერთად ხვალ აჭარის უმაღლესი საბჭოს არჩევნებიც გაიმართება. საარჩევნო უბნები დილის რვა საათზე გაიხსნება და საღამოს რვაზე დაიხურება.