ნორვეგიის ყინულის ჰოკეის ჩემპიონატის პლეი ოფის მეოთხედფინალური სერიის მატჩში მატჩის ხანგრძლივობის რეკორდი დამყარდა. “სტორჰამარისა” და “სპარტას” მატჩი 12 მარტს დაიწყო და 13-ში დასრულდა. ჰოკეისტებმა ყინულზე 217 წუთი და 14 წამი გაატარეს, რომლის მსვლელობისას ძირითად დროსთან ერთად, 8 სრული ოვერტაიმი ითამაშეს. მაყურებელთა და ჰოკეისტთა “წვალებას” წერტილი “სტორჰამარის” 29 წლის ვიგერის იოაკიმ იონსენის ზუსტმა დარტყმამ დაუსვა. შედეგად, პლეი ოფში “სტორჰამარი” 3:2 დაწინაურდა.
დღემდე ჰოკეის მატჩის ხანგრძლივობის რეკორდი ნჰლ-ის კლუბებს “დეტროიტ რედ ვინგსსა” და “მონრეალ მარუნსს” ეკუთვნოდათ. 1935/36 წლების სეზონში მათ ერთმანეთთან 176 წუთისა და 30 წამის განმავლობაში არკვიეს ურთიერთობა.