#ინფო9 #NEWS #info9 #ცხოველები #ძაღლი #წამება - სოციალურ ქსელ „ფეისბუქში“ ძაღლის წამების მორიგი ფოტო-ვიდეო მასალა ვრცელდება.

„არ ვიცი რას მივაწერო ის სისასტიკე, რაც გუშინ თავშესაფარის ნომერზე შემოსული ზარის შემდეგ, გორში, სამხატვრო სკოლის მიმდებარე ტერიტორიაზე მისულს დამხვდა.

უმოწყალოდ ნაცემი ძაღლი, რომელსაც თვალებიდანაც კი სდიოდა სისხლი, ტომარაში მოთავსებული ნაგვის ბუნკერში ჩაუგდიათ, იმ იმედით, რომ ზევიდან კიდევ დააყრიდნენ ნაგავს და სამუდამოდ დაადუმებდნენ ცხოველს, რომელიც ტირილით ,,აწუხებდა" გამვლელებს.

ძლივს მოვახერხეთ ბუნკერიდან ამოყვანა და თავშესაფარში გადაყვანა, სადაც ჩაუტარდა რიგი პროცედურებისა, მაგრამ შეუძლებელი იყო განწირული ძაღლის გადარჩენა, ღამის 3 საათზე შეწყვიტა არსებობა. ამ ქალაქის მოქალაქე ვარ, სადაც ხშირად ხდება მსგავსი სისასტიკე, მე გული მტკივა, რომ ხალხის იმ ნაწილს ვეკუთვნი, სადაც ამგვარი სისასტიკე ზოგისთვის ნორმის ფარგლებად ქცეულა, მეც და იმასაც, ვინც ეს ჩაიდინა ერთი საერთო სახელი - ადამიანი - გვქვია!

ადამიანებო, დავრჩეთ ადამიანებად! შევიყვაროთ ჩვენს გარშემო სულიერი არსებები, თუ სიყვარული არ შეგვიძლია,მსგავსი სისასტიკით სასიკვდილოდ მაინც ნუ გავიმეტებთ“, - წერს სოციალური ქსელის ერთ-ერთი მომხმარებელი და ფოტო-ვიდეომასალას აქვეყნებს.