მოძრაობა თავისუფლებისთვის - ევროპული საქართველოს წევრი ლაშა დამენია

„მინდა, თქვენი ყურადღება მივიპყრო ხვნა - თესვის საკითხზე, რომელი დაპირებითაც მოვიდა „ქართული ოცნება“ ხელისუფლებაში და დღეს საკმაოდ სავალალო მდგომარეობაა სოფლებში. როდესაც ჩვენ ბიუჯეტიდან შევწყვიტეთ ხვნა - თესვაზე მუშაობა და შემდეგ მოხდა აქციზების ზრდა საწვავზე, რამაც საკმაოდ რთულ მდგომარეობაში ჩააგდო ქართველი გლეხობა, რომელსაც არანაირი საშუალება არ აქვს და მინდა მივმართო ხელისუფლებას, რომ იქნებ მოხერხდეს ერთჯერადად მოსახლეობას დავეხმაროთ თუნდაც საწვავით, რომ შეძლონ ხვნა - თესვა.
მეორე რაზეც მინდა ყურადღება გავამახვილო, არის კანონი თვითმმართველობის შესახებ და მინდა გითხრათ, რომ საკმაოდ სენსიტიური დამოკიდებულება აქვს მოსახლეობას ამ საკითხთან მიმართებით. აუცილებელია თვითმმართველობები დარჩეს თუნდაც იმავე სახით, როგორიც დღეს არის და რაიონს ჰქონდეს თავისი ბიუჯეტი, ქალაქს - თავისი, რომ არ მოხდეს მათი აღრევა. მარტო სტატუსით მოტყუება და არანაირი უფლებების ჩადება და გაერთიანება თვითმმართველი ერთეულების მითუმეტეს იმ პირობებში, რომ საპარლამენტო რესპუბლიკა დეკლარილებურად ხორციელდება საქართველოში, ვფიქრობ, რომ საკმაოდ ცუდ შედეგებს მოგვიტანს. სამინისტრო ასახელებს ფინანსურ პრობლემებს, მაგალითისთვის გეტყვით: 2014 წლის თვითმმართველობის არჩევნების შემდეგ, ცაგერში 13 ერთეულით გაიზარდა ა.ი.პ-ის რაოდენობა, სადაც არანაირი რეფორმა განხორციელებულა. აჭარის ავტონომიურ რესპუბლიკაში 2014 წლის არჩევნების შემდეგ 408 საშტატო ერთეულით გაიზარდა თანამშრომლების რაოდენობა, რომელმაც შეადგინა წლიური 2 მილიონ 400 ათასი ლარი. კიდევ უარესი მდგომარეობაა ქვემო ქართლში, სადაც საშტატო ერთეული გაიზარდა 883-ით და მისმა წლიურმა რაოდენობამ შეადგინა 6 მილიონ 843 ათასი. ის არგუმენტი, რომ თითქოს ეს გამოიწვევს ეკონომიას თანხებში არ არის დამოკიდებული ერთად იქნება ქალაქი და რაიონი თუ ცალ-ცალკე. ეს არის თქვენზე დამოკიდებული, თუ ეკონომიურად მოიხმართ, არ იქნება ამდენი დანამატები და პრემიები, არანაირი პრობლემა არ იქნება ამ კუთხით.“

#europeangeorgia #ევროპულისაქართველო #პოლიტიკა