საწყისი საბრძოლო მომზადება, ამჯერად, გაუმჯობესებული პროგრამით განხორციელდება. სასწავლო პროგრამა მორგებულია ქვედანაყოფების მოთხოვნილებებს და მისი შედგენისას გათვალისწინებულია ნატოს სტანდარტები.

10 კვირის განმავლობაში სპეციალურად შერჩეული საქართველოს 500 მოქალაქე საწვრთნელ ბაზა "ალგეთში" საცეცხლე, სამედიცინო, სამწყობრო და ტაქტიკურ მომზადებას გაივლის. კურსის მონაწილეებს მეცადინეობები ნავიგაცია-ტოპოგრაფიაში, სადისციპლინო წესდებებსა და ფიზიკურ მომზადებაში ჩაუტარდებათ.