შოთა რუსთაველის დაბადებიდან 850 წლის იუბილეს აღსანიშნავად, 26 მაისს, საქართველოს დამოუკიდებლობის დღეს, თბილისსა და მთელი საქართველოს მასშტაბით ღონისძიებები - „მე რუსთაველის ქვეყნიდან ვარ“ გაიმართა.
გარემოსა და ბუნებრივი რესურსების დაცვის მინისტრის პირველმა მოადგილემ სოლომონ პავლიაშვილმა, სტუმრებს ზუგდიდში სამინისტროს სივრცეში უმასპინძლა, სადაც ხელოვნურ მწვანე საფარზე სამინისტროს სტრუქტურული ერთეულებისა და საქვეუწყებო დაწესებულებების საქმიანობის ამსახველი სტენდები განლაგდა.
მოსულ სტუმრებს, დაცული ტერიტორიების სააგენტომ უახლესი ტექნოლოგიებით აღჭურვილი, ინტერაქტიული საგამოფენო პავილიონი წარუდგინა. სტუმრები საქართველოს დაცულ ტერიტორიებზე არსებულ სერვისებს გაეცნენ. დამთვალიერებლებს საშუალება ჰქონდათ ფოტო-სურათები სპეციალურად მოწყობილ პრომეთეს მღვიმის სფერულ ინსტალაციაში და ნავში გადაეღოთ. ასევე, ზიპლაინით, რომლის ანალოგიც მტირალას ეროვნულ პარკში გვხვდება, დაშვების საშუალება ჰქონდათ. გარემოს ეროვნული სააგენტოს სპეციალისტებმა კი ატმოსფერული ჰაერის, ნიადაგის, წყლის, ელ.მაგნიტური გამოსხივების და ხმაურის მონიტორინგი მოძრავი ექსპრესლაბორატორიის საშუალებით ადგილობრივებთან ერთად განახორციელეს. მობილური ექსპრესლაბორატორია აღჭურვილია უახლესი თანამედროვე აპარატურით და ხელსაწყოებით. სივრცეში წარმოდგენილი იყო მინერალების ნიმუშები, რომელთა მნიშვნელობაც სპეციალისტებმა დამთვალიერებლებს გააცნეს.
ქალაქის ცენტრში დედამიწა (სტენსილი) გამოისახა, ასევე ყვავილების ბაღში ფოტოების გადასაღები სივრცე მოეწყო, დამთვალიერებლებს კი „დრონის“ აპარატით 100 მ სიმაღლიდან ფოტოსურათების გადაღების საშუალება ჰქონდათ.
სამინისტროს სივრცეში „ნიღბების თაეტრის“ მსახიობებმა ბავშვებისთვის თაეტრალიზებული სანახაობა წარმოადგინეს. სტუმრების განწყობაზე მთელი დღის განმავლობაში ადგილობრივმა ბენდმა “Under 7” -მა იზრუნა.