დანამდვილებით არ ვიცი რამ გადააწყვეტინა უწმინდესს ამ სიტყვით გამოსვლა, თუმცა ცალსახად ნათელია, რომ ისიც ადასტურებს იმ პირობებს, რომელსაც მე ვაპროტესტებ, როგორც ოპოზიციონერი.
ემიგრანტების გზავნილზე დგას საქართველო !
არაოფიციალური მონაცემებით ემიგრაციაშია 1 700 000 მოქალაქე, 2012 წლიდან დღემდე (ეროვნული ბანკის მონაცემებით) გადმორიცხულია 6,9 მილიარდი ამერიკული დოლარი, ანუ იმაზე მეტი, ვიდრე პირდაპირი უცხოური ინვესტიცია შემოვიდა ქვეყანაში.
რაც შეეხება გადასახადებს, რომელსაც გადამხდელები ვიხდით, ამ თანხების ძირითად ნაწილს უაპელაციოდ ითვისებს ხელოვნურად გაბერილი სახელმწიფო სამსახურები და განიკარგება ხელფასების, პრემია-დანამატების, კომფორტული ჯიპების შესყიდვის, არაფრისმთქმელი მივლინებების (შოპინგები) მიმართულებით.
დიდი წარუმატებლობა და ტრაგედიაა,, როცა საკუთარი ქვეყანა საკუთარ ხალხს ვერ სთავაზობს თვითრეალიზების, ნორმალურ პირობებში ცხოვრების და საქმიანობის საშუალებას. უბედურებაა, როცა ქვეყნის ყველაზე ავტორიტეტული ფიგურა, სასულიერო პირიც კი ჩვენი ოჯახის წევრებს მოუწოდებს დარჩნენ ემიგრაციაში !
ეს მოცემულობა უნდა შევცვალოთ, უთავმოყვარეობა და ემიგრანტების ურთულესი და ხშირად, დამამცირებელი შრომის ხარჯზე ცხოვრება უნდა დასრულდეს.
#ირაკლიღლონტი #პოლიტიკა