ლევან იზორია: „ჩვენი სამხედრო მოსამსახურეები თავიანთი ქვეყნის ღირსეული შვილები და საერთაშორისო საზოგადოების სანდო პარტნიორები არიან“
„ჩვენი სამხედრო მოსამსახურეები თავიანთი ქვეყნის ღირსეული შვილები და საერთაშორისო საზოგადოების ღირსეული პარტნიორები არიან. სწორედ ამის დასტურია, რომ სულ რაღაც ორ კვირაში, მრავალეროვნული წვრთნების დაწყებას ამერიკის შეერთებული შტატების ვიცე-პრეზიდენტის ვიზიტი ემთხვევა. ასე რომ, ამ ხალხს დაცვა არ სჭირდება, ეს ხალხი აღიარებულია საერთაშორისო დონეზე“, - განაცხადა საქართველოს თავდაცვის მინისტრმა ლევან იზორიამ ერთ-ერთი მედიასაშუალების მიერ დასმულ შეკითხვაზე საპასუხოდ.
ჟურნალისტის შეკითხვა ცხინვალის დე-ფაქტო ხელისუფლების მოთხოვნას შეეხებოდა, რომელიც რუსეთის პროკურატურას ქართველი ჯარისკაცების საერთაშორისო ძებნაში გამოცხადებისკენ მოუწოდებდა.