● შემოგვიერთდით: https://www.facebook.com/ExclusiveTVofficial

● ზემო ლარსზე, რუსეთ საქართველოს საზღვარზე მრავალკილომეტრიანი საცობია. მოქალაქეებს საქართველოში მოსახვედრად ლოდინი რამდენიმე საათის განმავლობაში უწევთ. ეს განსაკუთრებით რთულია დღის საათებში, როდესაც ჰაერის ტემპერატურა 40 გრადუსს აღწევს. ადგილზე მორიგეობენ ექიმები და პოლიციის თანამშრომლები. რუსული მედიის ცნობით, გამშვები პუნქტი 24-საათიან რეჟიმში მუშაობს, თუმცა ავტომობილების გაზრდილი ნაკადის დროულად გატარება ვერ ხდება.

რუსეთის საგანგებო სიტუაციების სამინისტრო მოქალაქეებს მოუწოდებს, შეძლებისდაგვარად ალტერნატიული მარშრუტებით ისარგებლონ: გაემგზავრონ საქართველოში თვითმფრინავით, აზერბაიჯანის გავლით სახმელეთო ან ბათუმთან დამაკავშირებელი საზღვაო გზით.

ამასთან, განსხვავებული ვითარებაა საზღვარზე ქართული მხრიდან. შემოსავლების სამსახურის ცნობით, მანქანების გატარება ოპერატიულად ხდება. შესაბამისად, ლოდინის დრო მინიმალურია.

სტატისტიკური მონაცემებით, 2017 წლის ივლისში „ყაზბეგის“ გამშვები პუნქტით 185 065 მოქალაქემ ისარგებლა.