გარემოსა და ბუნებრივი რესურსების დაცვის მინისტრის პირველი მოადგილე სოლომონ პავლიაშვილი პროექტის - georgian forest watch ეროვნულ მრჩეველთა საბჭოს წევრებს შეხვდა, სადაც პროექტის ფარგლებში არსებული მიღწევები შეაჯამეს.
შეხვედრის მონაწილეები, ინტერნეტ ტექნოლოგიაზე დაფუძნებული ტყისა და მიწათსარგებლობის ინფორმაციის მხარდამჭერი სისტემის (FLUIDS) მუშაობის სპეციფიკასა და პროექტის ფარგლებში დაფინანსებულ კვლევებს გაეცნენ, რომლებსაც ადგილობრივი არასამთავრობო ორგანიზაციები ახორციელებენ.
მრჩეველთა საბჭოში შედიან გარემოს დაცვისა და სატყეო სფეროში მომუშავე ორგანიზაციების (სამთავრობო, არასამთავრობო, აკადემიური) წარმომადგენლები, განსაკუთრებით კი ტყის, სატყეო სექტორისა და მიწათსარგებლობის მონიტორინგით დაინტერესებული მხარეები.