მიწისძვრა პირდაპირი ეთერის დროს

მიწისძვრის კადრები პირდაპირ ეთერში იმ დროს არის დაფიქსირებული, როდესაც ირანის ტელევიზია Rudaw TV-ს ჟურნალისტს ქურთული პოლიტიკური მოძრაობის წარმომადგენელი ჰყავდა მოწვეული.
მიწისქვეშა ბიძგების დროს, კამერამ რყვევა დაიწყო, გადაცემის სტუმარმა სტუდიის დატოვება გადაწყვიტა, მალევე შეწყდა პირდაპირი ეთერი.

ირან-ერაყის საზღვარზე ძლიერი მიწისძვრის შედეგად ირანში 129 ადამიანი, ხოლო ერაყში 6 ადამიანი დაიღუპა. მიწისძვრის შედეგად ასობით ადამიანი დაშავდა.

მიწისძვრის სიმძლავრემ 7,3 მაგნიტუდა შეადგინა.