ავსტრალიაში, სამშენებლო მოედანზე გამოჩნდა კენგურუ, რომელმაც მხოლოდ ერთ კონკრეტულ ხელოსანზე მიიტანა იერიში და თავს არ ანებებდა. უშიშარი ცხოველი მამაკაცს პერიოდულად უკანა თათებს ურტყამდა.

სახალისო ვიდეო მშენებლობაზე მომუშავე ერთ-ერთმა თანამშრომელმა გადაიღო, თუმცა, ავსტრალიაში უცხო არ არის, როდესაც გარეული ცხოველი ადამიანების გარემოცვაში ჩნდება. მეტიც, არაერთ ცხოველთა მოყვარულს კენგურუ მოშინაურებულიც კი ჰყავს.

სამშენებლო მოედანზე "ბრძოლა" მას შემდეგ დასრულდა, როცა ცხოველმა ყურადღება სხვა ობიექტზე გადაიტანა.

ვიდეოს ავტორის თქმით, კენგურუმ მუშებთან ერთად თითქმის მთელი დღე გაატარა. ბოლოს მან საკვები მიირთვა და ტერიტორია დატოვა.