ფეისბუკზე გავრცელდა ვიდეო, რომელზეც ჩანს, როგორ სცემენ შავკანიანებს, რომლებიც ფეხბურთს თამაშობდნენ თბილისის ერთ-ერთ რაიონში. როგორც ინციდენტის ერთ-ერთი მონაწილე წერს, მოთამაშეებთან მივიდა ქართველი მამაკაცი და მოსთხოვა სტადიონის დატოვება. ის და მისი მეზობლები ფიზიკურად გაუსწორდნენ ფეხბურთის მოთამაშეებს და საქართველოს დატოვებისკენ მოუწოდებდნენ მათ. დაზარალებულებმა პოლიციას მიმართეს და აჩვენეს შემთხვევის ადგილზე გადაღებული ეს ვიდეო. მაგრამ, მათი თქმით, პოლიციამ რეაგირება არ მოახდინა.