აზერბაიჯანის რესპუბლიკის დედაქალაქ ბაქოში, აგროსამრეწველო სექტორის მე-12 საერთაშორისო გამოფენაზე „Caspian Agro 2018“ ქართულმა კომპანიებმა საკუთარი პროდუქცია წარმოადგინეს.
გამოფენაზე მოწყობილი ქართული კუთხე და სტენდი აზერბაიჯანის რესპუბლიკის პრეზიდენტმა, ილჰამ ალიევმა, მთავრობის წევრებთან ერთად, დაათვალიერა.
გარემოს დაცვისა და სოფლის მეურნეობის მინისტრის მოადგილემ, სოლომონ პავლიაშვილმა აზერბაიჯანის რესპუბლიკის პრეზიდენტს და მთავრობის წევრებს ქართულ სტენდზე წარმოდგენილი უნიკალური ქართული ვაზის ჯიშებისგან წარმოებული ღვინოები გააცნო.
ილჰამ ალიევმა ქართული აგროსასურსათო პროდუქციის აზერბაიჯანში პოპულარიზაციის მნიშვნელობას გაუსვა ხაზი და აზერბაიჯანის რესპუბლიკის სოფლის მეურნეობის მინისტრს ქართულ მხარესთან ურთიერთობის გააქტიურებისკენ მოუწოდა.