რა მიზეზით მოხდა კონფლიქტი 9 ივნისს გუდაურში რუს და ქართველ პილოტებს შორის? საქართველოს პარაგლაიდინგის ეროვნულ ფედერაციაში ამბობენ, რომ დაპირისპირება მას შემდეგ დაიწყო, რაც ერთ-ერთმა რუსმა ინსტრუქტორმა ქართველს პარაშუტი დაუზიანა და მის ხევში გადაგდებას ცდილობდა.

ამის შემდეგ, ფედერაციის რამდენიმე წევრის წინააღმდეგ ცრემლსადენი გაზიც გამოიყენეს. "ქრონიკამ" ინციდენტის ამსახველი ექსკლუზიური მასალა მოიპოვა.

9 ივნისს გუდაურში რუსი პარაპლანისტის ცემის ფაქტზე პოლიციამ გამოძიება დაიწყო. 10 ივნისს კი ქართველი პარაპლანისტების დაკავების გამო ადგილობრივებმა მცხეთა-სტეფანწმინდის გზა გადაკეტეს.