თანამედროვე, მოწესრიგებულ, ევროპულ ქალაქად თბილისი დედაქალაქის მერის დაპირების მიხედვით მუნიციპალურმა ინსპექციამ უნდა აქციოს. დედაქალაქი დედაქალაქს დაემსგავსება - ასე თქვა თავად კახა კალაძემ გუშინ როცა განახლებული ზედამხედველობის საქალაქო სამსახურის პრეზენტაციაზე სიტყვით გამოდიოდა და საზოაგდეობას ინსპეციის მოვალეობებს აცნობდა.
განახლებული ზედამხედველობის საქალაქო სამსახური უკვე აღარ არსებობს, მას მუნიციპალური ინსპექცია ჰქვია. მერმა გუშინ ამ ინსპექციის თანამშრომელთა ფუნქცია მოვალეობებიც ჩამოგვითვალა და თქვა რომ მათ მოვალეობაში კულტურული მემკვიდრეობის ძეგლის სტატუსის მქონე შენობებზე მიმდინარე სამუშაოების კონტროლი, უნებართვო მშენებლობების კონტროლი, სანებართვო პირობების დარღვევების გამოვლენა, სამშენებლო უსაფრთხოების ნორმების დაცვა, მშენებლობა დამთავრებული ობიექტების ექსპლუატაციაში მიღება და სამშენებლო-ტექნიკური ზედამხედველობა იქნება.
მათსავე ფუნქციებშია უნებართვო გარე ვაჭრობების აღკვეთა, დასუფთავების წესების დარღვევების გამოვლენა და აღკვეთა, გარემოსა და ბუნებრივი რესურსების დაცვა, რეკლამის გავრცელების წესების კონტროლი, ხმაურის ნორმების გადაჭარბების ფაქტების აღკვეთა. ეს ყველაფერი მთლიანობაში საჭიროა დედაქალაქის იერსახის მოსაწესრიგებლად, ეკოლოგიური პრობლემების გადასაწყვეტად, უსაფრთხოებისა და სხვა სტანდარტების დასაცავად.

სტუმარი: გიორგი ბაგრატიონი - თბილისის მუნიციპალური ინსპექციის უფროსი

17.10.2018