საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი დავით სერგეენკო აჭარის სამედიცინო საზოგადოებას შეხვდა. 150-მდე წარმომადგენელს მიმდინარე პროექტების შეფასება და სიახლეები პირადად მინისტრმა გააცნო. მან ყურადღება ბათუმის რესპუბლიკური საავადმყოფოს ახალ ჰოსპიტალურ კონცეფციაზე გაამახვილა, რაც ქვეყნის მასშტაბით რამდენიმე ეტალონური კლინიკის სახელმწიფო მართვაში გადასვლასა და სახელმწიფოს ინვესტიციით მათ ჰოსპიტალურ განვითარებას გულისხმობს.