კიბერუსაფრთხოების ბიურო ნატოს „გონივრული თავდაცვის“ პროგრამის სამუშაო შეხვედრას მასპინძლობს
საქართველოს თავდაცვის სამინისტროს სსიპ კიბერუსაფრთხოების ბიურო ნატოს „გონივრული თავდაცვის“ მრავალეროვნული კიბერთავდაცვის საგანმანათლებლო და ტრეინინგ პროგრამის სამუშაო ჯგუფის მე-18 შეხვედრას მასპინძლობს.
სასტუმრო „თბილისი მერიოტში“ „გონივრული თავდაცვის“ ექსპერტებმა სამუშაო შეხვედრაზე სხვადასხვა სპეციალიზირებული კურსების კურიკულუმები და კიბერთავდაცვის სამაგისტრო პროგრამა შეაჯამეს, რომელიც შემდგომ ნატოს წევრი ქვეყნების საგანმანათლებლო სტრუქტურებში დაინერგება.
მრავალეროვნული კიბერთავდაცვის საგანმანათლებლო და ტრეინინგ პროგრამის MN CD E&T მიზანია ნატოსა და ევროკავშირის წევრი ქვეყნების, ასევე პარტნიორი ქვეყნების ურთიერთთანამშრომლობის საფუძველზე, საერთო საგანმანათლებლო და ტრენინგების პლატფორმის შექმნა.
აღნიშნულ პროგრამაში ჩართულობა ხელს უწყობს საქართველოს კიბერთავდაცვითი შესაძლებლობების ზრდასა და ნატოსთან თავსებადობის ამაღლებას. კიბერუსაფრთხოების ბიურო პროექტში 2016 წლიდან მონაწილეობს.
ნატოს „გონივრული თავდაცვის“ ორდღიან სამუშაო შეხვედრას ეროვნული თავდაცვის აკადემიისა და ინსტიტუციური აღმშენებლობის DIB სკოლის წარმომადგენლებიც ესწრებიან.