იზოლაციის წესების დაცვასთან ერთად იმისთვის რომ ვირუსული ინფექციის გავრცელების სწრაფი ზრდა, ე.წ აფეთქება არ მოხდეს და საავადმყოფოების გადატვირთვა რაც დაავადების მატარებელთა ეფექტური მკურნალობის ერთ ერთი მთავარი ხელშემშლელი იქნება ჰიგიენის ნორმების ზედმიწევნით დაცვაა აუცილებელი. “ხელთათმანი ნუ გიქმნით ყალბი დაცულობის გრძნობას, - განაცხადა დაავადებათა კონტროლის ეროვნული ცენტრის ხელმძღვანელის მოადგილე პაატა იმნაძემ საკოორდინაციო საბჭოს დასრულების შემდეგ გამართულ ბრიფინგზე. ინფექციონისტმა ხაზგასმით აღნიშნა, რომ მხოლოდ ხელთათმანის გაკეთება არ არის პრევენცია, თუ ადამიანმა დაარღვია ელემენტარული უსაფრთოების წესები და ნორმები. უნდა ვატაროთ თუ არა პირბადე ყველამ და ყველგან - ამ საკითხზეც კი შეთანხმება გვიჭირს როგორც ლოკალურად ისე გლობალურად?

სტუმარი: არსენ გვენეტაძე - "ზურაბ საბახტარაშვილის კლინიკა", ხელმძღვანელი


#ახალიამბები #BusinessMediaGeorgia