https://www.facebook.com/tvpirveli/

ტეგები: #ტვპირველი #ტელევიზია #სიახლეები #ახალიამბები

ბრიტანეთში კორონავირუსისგან ყველაზე ასაკოვანი პაციენტი გამოჯანმრთელდა. 106 წლის ქალი ქალაქის ჰოსპიტალში მწვავე პნევმონიით შეიყვანეს, მოგვიანებით კი მას კორონა ვირუსი დაუდგინდა. ქვეყანაში COVID 19-მა პიკს მიაღწია. გაერთიანებულ სამეფოში კორონაცირუსით ბოლო დღე-ღამის მანძილზე 900-მდე ადამიანი დაიღუპა და მთლიანობაში ქვეყანაში გარდაცვლილ პაციენტთა რაოდენობამ თითქმის 16 ათასს მიაღწია.
➡ რუსეთში კორონავირუსით დაინფიცირებულთა დიდი მაჩვენებელი დაფიქსირდა და მსოფლიოში ინფიცირებულთა რაოდენობით უკვე მეცხრე ადგილს იკავებს. ბოლო დღე-ღამის განმავლობაში აქ 5 ათასამდე ახალი შემთხვევა დადსტურდა. საერთო რაოდენობამ კი 37 ათასს მიაღწია.
➡ თურქეთში ერთ დღეში 121 ლეტალური შემთხვევა დაფიქსირდა. მსხვერპლთა რაოდენობა ქვეყანაში 2000-ს აღწევს. ხელისუფლების გადაწყვეტილებით, ქვეყნის 31 პროვინციაში ხმელეთით, საჰაერო და საზღვაო სივრცით შესვლაზე აკრძალვა 15 დღით გახანგრძლივდა.
➡ ბანგლადეშში კარანტინია გამოცხადებული. ქვეყანაში ამ დროისთვის გამოვლენილია COVID19-ის 2 ათასზე მეტი შემთხვევა, გარდაცვლილია 84 ადამიანი.
➡ ნიუ იორკის შტატში ბოლო 24 საათში კორონავირუსით 540 ადამიანი დაიღუპა, რაც აპრილში დაფიქსირებული ყველაზე დაბალი მაჩვენებელია.
➡ რაც შეეხება მსოფლიო სტატისტიკას. კოვიდინფიცირებულთა რაოდენობა საგრძნობლად იზრდება. კორონა ვირუსით დაინფიცირებულთა რიცხვი 2 მილიონ 290 ათასს აღწევს. ინფექციამ ბოლო მონაცემებით 158 ათასამდე ადამიანი იმსხვერპლა.