თითქმის 2თვეა ქვეყნის დიდ ქალაქებში საზოგადოებრივი ტრანსპორტი გაჩერებულია. შედეგად თბილისში ავტომობილების მობილობა 30%-ით გაიზარდა. თბილისის მერიის ტრანსპორტის საქალაქო სამსახურის უფროსის ვიქტორ წილოსანის განცხადებით, თუ კოვიდამდე პერიოდში სამუშაო დღეებში 450 000 ავტომობილი გადაადგილდებოდა, ეს რიცხვი დღეს 600 000-მდეა გაზრდილი.

საკორდინაციო საბჭოს გადაწყვეტილებითვე 28 ნოემბრიდან აკრძალულია მგზავრების საქალაქთაშორისო რეგულარული გადაყვანა, მათ შორის - რკინიგზით, ავტობუსით, სამარშრუტო ტაქსით. მსუბუქ ავტომობილებზე, მათ შორის ტაქსებზე კი აკრძალვა არ მოქმედებს. არსებულ ვითარებაში ცხადია გამოსავალი იქნა მოფიქრებული და მოქალაქეებმა გადაადგილება დაიწყეს კერძო პირების, ეწ. ხიშნიკი მძღოლების დახმარებით. ანუ შედეგად მივიღეთ ის, რომ მინივენებისა და მსუბუქი ავტომობილების გამოყენებით სრულად უკონტროლო და არაორგანიოზებული გადაადგილება მაინც ხდება, თუმცა ავტოსადგურები ამას ვერ ახერხებენ რითაც თავის მხრივ შემოსავლებს ბიუჯეტიც კარგავს.

რა კავშირი აქვს საზოგადოებრივი და საქალაქთაშორისო ტრანსპორტის ჩაკეტვას კოვიდს გავრცელების პრევენციისთვის და რამდენად მიღებულია ეს პრაქტიკა მსოფლიოს სხვადასხვა ქვეყნებში?

სტუმრები: გელა კვაშილავა - არასამთავრობო ორგანიზაცია „პარტნიორობა საგზაო უსაფრთხოებისთვის“ ხელმძღვანელი


#ახალიამბები #BusinessMediaGeorgia