https://facebook.com/GiviFlmsPhoto

ბემბი (ინგლ. Bambi) — Walt Disney Productions-ის 1942 წლის სრულმეტრაჟიანი ანიმაციური ფილმი, მეხუთე დისნეის სრულმეტრაჟიანი ანიმაციურ ფილმების სერიაში. მისი რეჟისორია დევიდ ჰენდი, ხოლოპროდიუსერი — უოლტ დისნეი. ფილმის დისტრიბუტორი RKO Radio Pictures იყო. ფილმის სიუჟეტი ეფუძნება ავსტრიელი მწერალ ფელიქს ზალტენის 1923 წელს გამოცემულ წიგნს „ბემბი. ბიოგრაფია ტყიდან“.

ფილმის მთავარი პერსონაჟები არიან: ბემბი, ირმის შველი; მისი მშობლები (ტყის დიდი უფლისწული და დედა); მისი მეგობრები — კურდღელი ბაკუნა და მყრალა „ყვავილი“, აგრეთვე ბავშვობის მეგობარი ფელინი. ამ ფილმისთვის დისნეიმ ბემბის სახეობა, ევროპული შველი, შეცვალა თეთრკუდიანი ირმით, ვინაიდან პირველი ჩრდილოეთ ამერიკაში არ ბინადრობს, ხოლო მეორე იქ უფრო გავრცელებულია. ფილმმა მიიღო ოსკარის სამი ნომინაცია - საუკეთესო ხმის (სემ სლაიფილდი), საუკეთესო სიმღერის (დონალდ ნოვისის შესრულებული „Love Is a Song“) და საუკეთესო მუსიკის კატეგორიებში.

2008 წლის ივნისში ამერიკის კინოინსტიტუტმა წარმოადგენდა „ათი საუკეთესო ათეული“, რომელშიც შეტანილია იყო ათი საუკეთესო ამერიკული ფილმი ამა თუ იმ ჟანრის მიხედვით. რეიტინგში, რომელიც შედგენილი იყო 1500-ზე მეტი შემოქმედი პიროვნების გამოკითხვის მიხედვით, „ბემბიმ“ ანიმაციურ ფილმებს შორის მესამე ადგილი დაიაკავა 2011 წელს ფილმების ეროვნულმა რეესტრმა „ბემბი“ აირჩია კონგრესის ბიბლიოთეკაში შესატანად, როგორც „კულტურულად, ისტორიულად ან ესთეტიკურად მნიშვნელოვანი ნამუშევარი“ .

ფილმის პრემიერა გაიმართა 1942 წლის აგვისტოში, ლონდონსა და ნიუ-იორკში. 858 000 აშშ დოლარის ბიუჯეტით, მისმა შემოსავალმა 267.4 მილიონი აშშ დოლარი შეადგინა. 2006 წელს პირდაპირ ვიდეოზე გამოვიდა მისი გაგრძელება, „ბემბი II“.