პორტის გაფართოების პროექტში მინიმუმ 200 მილიონი აშშ დოლარის ინვესტიციის განხორციელებაზე მზადყოფნას ეიპიემ ტერმინალსი კიდევ ერთხელ ადასტურებს, თუმცა ამისთვის საქართველოს მთავრობამ განკარგულება უნდა გამოსცეს შესაბამისი ხელშეკრულების გასაფორმებლად, რომელსაც კომპანია რამდენიმე წელია ელოდება. მთავრობასა და ინვესტორს შორის გასულ წელს უნდა გაფორმებულიყო ხელშეკრულება, 2024 წელს დაწყებულიყო სამშენებლო სამუშაოები და 2026 წელს APM Terminals-ს ფოთს ახალ პორტში პირველი გემი უნდა მიეღო თუმცა გეგმა ჯერ მხოლოდ გეგმად დარჩა. იმისთვის რომ ერთი შეხედვით წინასწარ შეთანხმებული შეთანხმება შედგეს ვიცე პრემიერი წინაპირობების შესრულების აუცილებლობაზე მიუთითებს.

#ახალიამბები #BusinessMediaGeorgia