კომუნიკაციების კომისია მაგთიკომის წინააღმდეგ - comcom-მა ევროპელი ექსპერტების მიერ მომზადებული მობილური ბაზრის კომპლექსური კვლევისა საფუძველზე შესაძლოა მაგთიკომი მნიშვნელოვანი საბაზრო ძალაუფლების მქონე ოპერატორად გამოაცხადოს, ახალი ვალდებულებები დააკისროს და ბაზრის გახსნა მოსთხოვოს. როგორც მარეგულირებლის მიერ გავრცელებული ინფორმაციიდან გახდა ცნობილი, ბაზრის შესწავლის შედეგად, ევროპელი ექსპერტები ამბობენ, რომ „მაგთიკომი“ მნიშვნელოვანი საბაზრო ძალაუფლების მქონე ოპერატორია და მისთვის სპეციფიკური ვალდებულებები განსაზღვრეს. იმ შემთხვევაში, თუ განხილვების შემდეგ კომისიის წევრები საბოლოო გადაწყვეტილებაში ევროკავშირის ექსპერტების დასკვნას გაიზიარებენ, „მაგთიკომი“ მნიშვნელოვანი ძალის ოპერატორად გამოცხადდება და შესაბამისი ვალდებულებები დაეკისრება, რომლის ფარგლებში კომპანიამ თავის ინფრასტრუქტურაზე სხვა მსურველი კომპანიები უნდა დაუშვას და ბაზარი გახსნას. საუბარია სამი სხვადასხვა სახის დაშვების ვალდებულებაზე.

comcom-ის მიერ გავრცელებულ ინფორმაციაში წერია, რომ მაგთიკომის საბაზრო ძალაუფლებაზე რამდენიმე ფაქტორი მიუთითებს, მათ შორისაა მათი შეფასებით, მობილური ქსელის ბაზრის წილი, ასევე აბონენტების რაოდენობა და შემოსავლები, რის მიხედვითაც, მაგთიკომი ბაზრის სხვა მოთამაშეებთან შედარებით მოწინავე პოზიციაზეა. კვლევის მიხედვით, მაგთიკომის ძალაუფლებაზე მეტყველებს 2022 წლის მონაცემებიც, რა დროსაც ქვეყანაში მთლიანი მობილური ინტერნეტ ტრაფიკის ნახევარზე მეტს სწორედ „მაგთიკომი“ აგენერირებდა. ამასთან, „მაგთიკომის“ სიმძლავრესა და დიდ პოტენციალზე მიუთითებს ბოლო წლებში კომპანიის მიერ კონკურენტებთან შედარებით მნიშვნელოვნად მეტი ინვესტიციის განხორციელება საკუთარ ინფრასტრუქტურაში.

კომპლექსურ კვლევაზე დაწყებული საჯარო ადმინისტრაციული წარმოების ფარგლებში კომუნიკაციების კომისია ბაზრის ანალიზის შედეგებს 6 ივნისის, საჯარო სხდომაზე განიხილავს, ხოლო 17 მაისამდე დაინტერესებულ მხარეებს კომპლექსური კვლევის შედეგებთან დაკავშირებით, უკუკავშირის წარმოდგენა შეეძლებათ. რა იყო ბაზრის კვლევის ჩატარების ძირითადი მიზანი და რა შედეგები შეიძლება ჰქონდეს როგორც მომხმარებლებისთვის ის

#ახალიამბები #BusinessMediaGeorgia