რამდენიმე დღის წინ, Pfizer-მა გამოაქვეყნა კიბოს პროგრესირების შესაჩერებელი მედიკამენტის კვლევის მესამე ფაზის დაკვირვების შედეგები,
რომელთა თანახმად, ფილტვის კიბოს იშვიათი სახეობის მქონე პაციენტების 61%-ში, რომლებიც Pfizer-ის წარმოებულ მედიკამენტს Lorbrena-ს იღებდნენ, 5 წლის შემდეგ დაავადების პროგრესირება აღარ აღინიშნებოდა. იმ პაციენტებში კი, რომლებიც Pfizer-ის წინა თაობის პრეპარატ ქსალკორით მკურნალობდნენ, 5 წლის თავზე მხოლოდ 8%-ში არ აღინიშნებოდა დაავადების პროგრესირება.
Pfizer-ი აცხადებს, რომ მის მიერ წარმოებულ, ფილტვის კიბოს სამკურნალო მედიკამენტი Lorbrena შესაძლოა გახდეს მილიარდი დოლარის ღირებულების ბლოკბასტერი. ფარმაცევტული გიგანტის პროგნოზით, Lorbrena-მ ბლოკბასტერის ტიტული შესაძლოა უკვე 2030 წლისთვის მოიპოვოს.

#ახალიამბები #BusinessMediaGeorgia