დისნეის პერსონაჟები ბოლო მონაცემებითაც ყველაზე მონახულებად გმირებად ითვლებიან. მათი ხილვა და ანიმაციურ სამყაროში მოხვედრა, მსოფლიოს სხვადასხვა წერტილში დისნეილენდის პარკებშია შესაძლებელი და ამ ზღაპრულ სამყაროში მოგზაურობა უამრავი ბავშვის თუ ზრდასრულის ოცნებაა. ყოველწლიურად თემატური პარკები მილიონობით სტუმარს მასპინძლობს, თუმცა მზარდი სტატისტიკის მიღმა, უნდა აღინიშნოს ისიც, რომ დისნეილენდში მოგზაურობა იაფი სიამოვნება ნამდვილად არ არის. LendingTree-მ ჩაატარა კვლევა, რომელმაც ის ამერიკელი ოჯახები გამოჰკითხა, რომლებიც დისნეილენდის პარკს ესტუმრნენ. აღმოჩნდა, რომ თემატურ პარკში დაუვიწყარი ემოციების შექმნა მათთვისაც საკმაოდ ძვირადღირებული სიამოვნებაა, ამიტომ ისინი შვილებისთვის ოცნების ასახდენად ვალის აღებას ირჩევენ. კვლევის მიხედვით, გამოკითხული 2 000 ოჯახიდან, 24%-მა პარკში სტუმრობისთვის დიდი მოცულობის სესხი აიღო. რა უჯდებათ ერთ-ერთ ყველაზე ძვირადღირებულ პარკში მოგზაურობა სტუმრებს?


#ახალიამბები #BusinessMediaGeorgia