კრიპტოვალუტის როლი მდგრად განვითარებაში. 21-ე საუკუნეში, სიტყვები კრიპტოვალუტა, ბლოკჩეინი, NFT, ბიტკოინი და ა.შ. აღარ წარმოადგენს სიახლეს. ტრადიციული ვალუტებისაგან განსხვავებით, კრიპტოვალუტები ოპერირებენ დეცენტრალიზებულ ქსელებზე, რომლებიც ძირითადად დაფუძნებულია ბლოკჩეინის ტექნოლოგიაზე. ეს ნიშნავს, რომ არ არსებობს ცენტრალური ორგანო, როგორიცაა მთავრობა ან ბანკი, რომელიც აკონტროლებს აღნიშნულ ვალუტას.

კრიპტოვალუტის გამოყენების სიხშირის გეოგრაფიულად შეფასებისთვის, ნიუ-იორკში დაფუძნებულმა ბლოკჩეინის მონაცემთა პლატფორმა Chainalysis-მა ინდექსი შეიმუშავა. 0-დან 1-მდე შკალით, ინდიკატორი იმ ქვეყნების მოსახლეობას აფასებს, რომლებიც თავიანთი სიმდიდრის უდიდეს ნაწილს სწორედ კრიპტოვალუტაში აბანდებენ. აღნიშნულ რეიტინგში ინდოეთია ლიდერი, ხოლო საქართველო 51-ე პოზიციაზეა წარმოდგენილი. აღსანიშნავია ისიც რომ საქართველოში საკმაოდ ბევრგან ვხვდებით კრიპტო ბანკომატებსა და კომერციულ ორგანიზაციებს სადაც ანგარიშსწორების ერთ-ერთ შესაძლებლობად სწორედ ციფრული ვალუტა მიიღება.

გარდა იმისა რომ ბლოქჩეინ ტექნოლოგია მონაცემების დაცვის ძალიან კარგი შესაძლებლობაა, მნიშვნელოვანი საკითხია ციფრული ვალუტის მოპოვების დროს დახარჯული ენერგია. პარიზის კლიმატის შეთანხმებით შთაგონებული, „კრიპტო კლიმატის შეთანხმება“ მიზნად ისახავს 2030 წლისთვის ყველა ბლოკჩეინის განახლებად ენერგიაზე გადასვლას და 2040 წლისთვის კრიპტოვალუტის მთელი ინდუსტრიისთვის ნულოვანი ემისიების მიღწევას.
რა მდგომარეობაა საქართველოში ამ მიმართულებით?

რუბრიკის წამყვანი: რატი ზაუტაშვილი - გაეროს გლობალური შეთანხმების საქართველოს ქსელის ბიზნესთან ურთიერთობის მიმართულების ხელმძღვანელი;
სტუმრები: ქეთი ქარსელაძე - CityPay.io-ს მარკეტინგის ხელმძღვანელი;
ლარისა პატარაია - Start Business Solutions მმართველი პარტნიორი და ბიტკოინ ასოციაციის თანადამფუძნებელი.

#ახალიამბები #BusinessMediaGeorgia