ბრაკონიერობისა და შავი ზღვის დაბინძურების პრევენციის მიზნით, სისხლის სამართლისა და ადმინისტრაციულ სამართალდარღვევათა კოდექსებში ცვლილებები შევიდა. გარემოსდაცვითი ზედამხედველობის დეპარტამენტის ინფორმაციით, შესაბამისი კანონი მიმდინარე წლის 1 ოქტომბრიდან ამოქმედდება. ამ კანონით რიგ გარემოსდაცვით სამართალდარღვევებზე სანქციები მნიშვნელოვნად მკაცრდება.

დეპარტამენტის ცნობით, 65 ათასი ლარიდან 100 000 ლარამდე გაიზარდა ჯარიმა გემიდან, სხვა მცურავი საშუალებებიდან, პლატფორმიდან, მილსადენებიდან ან ზღვაში ხელოვნურად აგებული სხვა კონსტრუქციიდან საქართველოს კანონმდებლობით დადგენილი წესის დარღვევით ზღვაში მავნე, დამაბინძურებელი ნივთიერებების, საწარმოო, ტექნიკური ან სხვა სახის ნარჩენების ან/და მასალის ჩაღვრა, აგრეთვე მათი ჩამარხვის წესის დარღვევით ზღვის დაბინძურებაზე.

კანონის მიხედვით, ბრაკონიერობის წინააღმდეგ ბრძოლის ფარგლებში, სისხლის სამართლის კოდექსში შედის ცვლილება, რომლის თანახმად, ელექტროშოკური მოწყობილობა "თევზჭერის ელექტროიარაღად" დაკვალიფიცირდა.

თევზჭერის ელექტროიარაღის დამზადება, შეძენა, შენახვა, ტარება, გადატანა-გადაზიდვა, გასაღება კი, გამოიწვევს დაჯარიმებას 3000 ლარის ოდენობით, სამართალდარღვევის იარაღის კონფისკაციით. განმეორების შემთხვევაში ჯარიმა ამ შემთხვევაშიც გაორმაგდება და 6 000 ლარი იქნება.

რამდენად მასშტაბურია პრობლემა და არის თუ არა გამოსავალი ჯარიმების გაზრდაში?

სტუმარი: კახა შაფაქიძე - სამონადირეო მეურნეობის"ჰანთინგ ტურ ჯორჯიას" და სამონადირეო კლუბ "ლეგიონის” დამფუძნებელი;


#ახალიამბები #BusinessMediaGeorgia