6 თვეში საქართველოდან უცხოეთში 2 მილიარდ 847 მილიონი დოლარის პროდუქცია გავიდა. კლება 6.7%-ია. საექსპორტო ქვეყნების ათეულშია ევროკავშირის არცერთი ქვეყანა არ არის. საქართველოს მთავარი საექსპორტო ქვეყნები ყირგიზეთი, ყაზახეთი და რუსეთია. იანვარ-ივნისში ქვეყანამ ყველაზე მეტი ავტომობილი გაყიდა, მანქანების რეექსპორტს მთლიან ექსპორტში 32.8% უჭირავს. მეორე ადგილზეა ღვინო, რომლის ექსპორტი 24%-ით გაიზარდა. ექსპორტთა ასოციაციაში აცხადებენ, რომ ევროკავშირის წილი დსთ-ს ქვეყნებზე გადანაწილდა, რაც თავის მხრივ, ყირგიზეთსა და ყაზახეთის ბაზრებზე ექსპორტის ზრდამ განაპირობა. როგორც ასოციაციაში აღნიშნავენ, მიუხედავად ევროკავშირში ექსპორტის შემცირებისა, ეს ბაზარი ქართველი ბიზნესმენებისთვის კვლავ სტაბილურია.

#ახალიამბები #BusinessMediaGeorgia