ჩინური კომპანია Kacexpo-ს ორგანიზებით, უკვე მესამედ, საქართველოში ჩინური ნაწარმის დიდი გამოფენა-გაყიდვა-World Trade Expo 2024, 21სექტემბერს გაიხსნება და სამი დღის განმავლობაში უმასპინძლებს დამთვალიერებელს.გამოფენა საინტერესო იქნება როგორც საცალო დამთვალიერებლისთვის ვისაც უბრალოდ საყოფაცხოვრებო ნივთების,წვრილი სამზარეულო ტექნიკის, ტექსტილის,ავტომობილის თუ ავტო ნაწილების შეძენა სურს არამედ კიდევ უფრო საინტერესო და მნიშვნელოვანი იქნება კომპანიებისთვის ვინც ეძებენ პარტნიორებს თუ პროდუქციის მომწოდებლებს ჩინეთიდან.

ღონისძიება საგამოფენო ცენტრ ექსპო ჯორჯიაში, 21-23 სექტემბერს გაიმართება და ათობით მონაწილე კომპანიას გააერთიანებს სხვადასხვა სექტორიდან, როგორიცაა: სამშენებლო მასალა და ტექნიკა, სამომხმარებლო პროდუქცია, სასოფლო-სამეურნეო სარწყავი ტექნოლოგიები, ავტომობილები და ავტონაწილები და ა.შ. ერთი სიტყვით სტუმრებს საშუალება მიეცემათ გაეცნონ და აღმოაჩინონ ახალი ბიზნეს შესაძლებლობები და უმაღლესი ხარისხის პროდუქცია ჩინეთიდან.

#ახალიამბები #BusinessMediaGeorgia