საუკეთესო წლიური ანგარიშის და გამჭვირვალობის ჯილდოზე BARTA 2024-ზე განაცხადების მიღება დაიწყო და კომპანიებისთვის განაცხადების წარდგენის ბოლო ვადა 31 ოქტომბერია. წელს კონკურსს ახალი ნომინაციები ემატება, მათ შორისაა საუკეთესო დებიუტანტი კომპანიის ნომინაცია. როგორც კონკურსის ორგანიზატორები აცხადებენ, მიმდინარე წელს BARTA-ზე ბევრმა ახალმა კომპანიამ გამოთქვა მონაწილეობის ინტერესი. ამასთან, წლევანდელი დაჯილდოება გამორჩეული იქნება იმითაც, რომ კომპანიის თითოეული კატეგორიისთვის მდგრადობის ანგარიშგების თითო ნომინაცია დაემატება. წელს უკვე მეორედ BARTA-ს კონკურსი ღიაა პირველი კატეგორიის კომპანიებისთვის და ჯგუფებისთვის, ასევე ყველა კომპანიისთვის, რომელიც საზოგადოებრივი დაინტერესების პირია. საუკეთესო წლიური ანგარიშის და გამჭვირვალობის ჯილდოს რიგით მეექვსე დაჯილდოების ცერემონია 13 დეკემბერს გაიმართება.

#ახალიამბები #BusinessMediaGeorgia