ყურძნის ნატურალური ღვინოები საქართველოს უმსხვილესი საექსპორტო პროდუქტების რეიტინგში, რეექსპორტირებული ავტომობილებისა და ფეროშენადნობების ადგილობრივი ექსპორტის შემდეგ, 4.7%-ით მესამე ადგილს იკავებს. წლის პირველი 8 თვის განმავლობაში ღვინის გაყიდვებით ქვეყანამ 16.1%-ით მეტი შემოსავალი მიიღო, რამაც 196 მლნ 612 ათასი დოლარი შეადგინა. ამ პერიოდისთვის მსოფლიოში 67 604 ტონა ქართული ღვინო გავიდა, მაშინ როდესაც გასულ წელს ექსპორტირებული საქონლის მოცულობამ 58 696 ტონას შეადგენდა.
ქართული ღვინის საექსპორტო მიმართულებებს შორის პირველ ადგილს კვლავ რუსეთი იკავებს. 8 თვეში ღვინის ექსპორტით მიღებულ შემოსავალში რუსეთის წილი 69.1%-ია. გასული წლის ამავე პერიოდში ეს მაჩვენებელი 66.1%-ს შეადგენდა. ვითარება ამ კუთხით დამაფიქრებელია, რბილად რომ ვთქვათ.
მიუხედავად იმისა, რომ მაისიდან მთავარ საექსპორტო ბაზარზე - რუსეთში ღვინოზე აქციზის გადასახადი გაიზარდა და ივნის-ივლისში, თვიურ სტატისტიკაში სასმლის ექსპორტი შემცირებული იყო, მხოლოდ აგვისტოში, ამ მიმართულებით, ღვინის გაყიდვები დადებითი დინამიკით შეიცვალა.

#ახალიამბები #BusinessMediaGeorgia